Ծրագրավորման վարժություններ

Սկսնակների համար

Console Input and Output

1. Արտածեք Ձեր անունը, ազգանունը և տարիքը։
2. Հաշվել, թե a թիվը b թվի ո՞ր տոկոսն է կազմում օգտագործելով p = 100 * a / b բանաձևը։
3. Հաշվել r շառավղով շրջանի մակերեսը օգտագործելով a = pi * r * r բանաձևը։
4. Հաշվել r շառավղով շրջանագծի երկարությունը օգտագործելով c = 2 * pi * r բանաձևը։
5. Հաշվել, թե քանի վայրկյան կա n քանակությամբ օրերում։

if...else Statement

1. Լուծել a * x + b = 0 գծային հավասարումը կամայական a և b թվերի համար։
2. Լուծել a * x * x + b * x + c = 0 քառակուսային հավասարումը կամայական a, b և c թվերի համար։
3. Գտնել երկու թվերից մեծագույնը։
4. Գտնել երկու թվերից փոքրագույնը։
5. Գտնել երեք թվերից մեծագույնը։
6. Գտնել երեք թվերից փոքրագույնը։
7. Արտածել a, b և c կամայական թվերը աճման կարգով։
8. Արտածել a, b և c կամայական թվերը նվազման կարգով։
9. Պարզել ներմուծված թիվը զու՞յգ է, թե՞ կենտ։
10. Պարզել ներմուծված թիվը արդյոք բաժանվու՞մ է առանց մնացորդի 5-ի վրա։
11. Ներմուծված թիվը բազմապատկել 2-ով, եթե այն զույգ է և առանց մնացորդի բաժանվում է 3-ի վրա։
12. Ներմուծված թիվը բազմապատկել 2-ով, եթե այն կենտ է կամ առանց մնացորդի բաժանվում է 3-ի վրա։

while, for Loops

1. Արտածել 1-ից մինչև n բոլոր ամբողջ թվերը։
2. Արտածել 1-ից մինչև n բոլոր ամբողջ զույգ թվերը։
3. Արտածել 1-ից մինչև n բոլոր ամբողջ կենտ թվերը։
4. Հաշվել 1-ից մինչև n բոլոր ամբողջ թվերի գումարը և արտածել այն։
5. Հաշվել a-ից մինչև b բոլոր ամբողջ թվերի գումարը և արտածել այն։
6. Հաշվել 1-ից մինչև 15 բոլոր ամբողջ թվերի արտադրյալը և արտածել այն։
7. Ներմուծել n քանակությամբ ամբողջ թվեր և հաշվել դրանց գումարը։
8. Ներմուծել n քանակությամբ ամբողջ թվեր և հաշվել դրանցից միայն զույգ թվերի գումարը։

One Dimensional Arrays

1. Ստեղծել միաչափ զանգված, որը կպարունակի ընթացիկ շաբաթվա ամսաթվերը։
2. Գրել ցիկլ, որը կարտածի միաչափ զանգվածի էլեմենտները։
3. Ստեղծել n երկարությամբ միաչափ զանգված և ցիկլով ներմուծել զնագվածի էլեմենտների արժեքները։
4. Ստեղծել զանգված, որի էլեմենտները կպարունակեն 1-ից մինչև n ամբողջ թվերի քառակուսիները։
5. Հաշվել թվային զանգվածի էլեմենտների գումարը։
6. Հաշվել թվային զանգվածի էլեմենտների արտադրյալը։ 7․ Գտնել թվային զանգվածի էլեմենտներից փոքրագույնը։
7. Գտնել թվային զանգվածի էլեմենտներից մեծագույնը։
8. Գրել ծրագիր, որը կպատճենի a զանգվածը b զանգվածի մեջ։
9. Գրել ծրագիր, որը կհակադարձի զանգվածը։
10. Գրել ծրագիր, որը կգումարի էլեմենտ առ էլեմենտ a և b զանգվածները և արդյունքը կպահի c զանգվածի մեջ։
11. Գրել ծրագիր, որը կբազմապատկի էլեմենտ առ էլեմենտ a և b զանգվածները և արդյունքը կպահի c զանգվածի մեջ։

Two Dimensional Arrays

1. Գրել կրկնակի ցիկլ, որը կարտածի երկչափ զանգվածի էլեմենտները աղյուսակի տեսքով։
2. Ստեղծել զանգված, որը կպարունակի շախմատի խաղատախտակի դաշտերի անվանումները։
3. Ստեղծել երկչափ զանգված, որը կպարունակի 1-9 թվերի բազմապատկման աղյուսակը։
4. Ստեղծել երկչափ քառակուսաձև զանգված, որի անկյունագծի էլեմենտները հավասար կլինեն 1-ի, իսկ մնացածները՝ 0-ի։
5. Ստեղծել երկչափ քառակուսաձև զանգված, որի զույգ համարով տողերի էլեմենտները հավասար կլինեն 1-ի, իսկ կենտերը՝ 0-ի։
6. Ստեղծել երկչափ քառակուսաձև զանգված, որի էլեմենտները հավասար կլինեն 1-ի, եթե էլեմենտի ինդեքսների գումարը զույգ է, իսկ մնացածները՝ 0-ի։

Functions

1. Գրել ֆունկցիա, որը կվերադարձնի true, եթե արգումենտում փոխանցված ամբողջ թիվը զույգ է և false՝ եթե կենտ է։
2. Գրել ֆունկցիա, որը կհակադարձի արգումենտում փոխանցված զանգվածը։
3. Գրել ֆունկցիա, որը կվերադարձնի արգումենտում փոխանցված թվային զանգվածի ամենամեծ (ամենափոքր) էլեմենտի արժեքը։
4. Գրել ֆունկցիա, որը կվերադարձնի արգումենտում փոխանցված թվային զանգվածի ամենամեծ (ամենափոքր) էլեմենտի ինդեքսը։
5. Գրել ֆունկցիա, որը կվերադարձնի արգումենտում փոխանցված երկու թվային զանգվածների գումարը (արտադրյալը)։
6. Գրել ֆունկցիա, որը արգումենտում փոխանցված թվային զանգվածը էլեմենտ առ էլեմենտ կբազմապատկի (կգումարի) արգումենտում փոխանցված թվով։
7. Գրել ֆունկցիա, որը կվերադարձնի միաչափ զանգված, որի էլէմնտները պատահական տասնորդական կոտորակային թվեր են 0-ից 1 տիրույթի։

Կիրառական

1. Փոխակերպել դոլարը դրամի օգտագործելով օրվա փոխարժեքը։
2. Հաշվել, թե հեծանիվը քանի ժամում Երևանից կհասնի Գյումրի, եթե հեծանիվի միջին արագությունը 15.5 կմ/ժ է։
3. Հաշվել, թե ծրագրավորողը որքան եկամտահարկ պետք է վճարի, եթե նրա աշխատավարձը 450 000 դրամ է։
4. Հաշվել, թե քանի րոպեում կարելի է ներբեռնել 4․23 GB չափսի ֆայլը, եթե ինտերնետի միջին արագությունը 12․5 Mbit/s է։
5. Հաշվել, թե քանի MB կլինի 16 MP պարունակող նկարի չափսը, եթե ամեն pixel-ի համար անհրաժեշտ է 32 bit:
6. Ներմուծված տարիքից կախված արտածել, արդյո՞ք դիմորդը իրավունք ունի վարորդական իրավունքի քննություն հանձնելու, թե՞ ոչ։
7. Ներմուծված տարիքից կախված արտածել, արդյո՞ք դիմորդը իրավունք ունի աշխատելու, թե՞ ոչ։ Ոչ պատասխանի դեպքում արտածել պատճառը։
8. Արտածել համապատասխանաբար ցուրտ է (t <= 18 °C), հաճելի է (18 °C < t < 24 °C), շոգ է (t >= 24 °C) կախված սենյակի ջերմաստիճանից:
9. Գեներացնել գաղտնաբառ, որը բաղկացած է լատինական փոքրատառերից։
10. Գրել ալգորիթմ, որը կշրջի զանգվածի էլեմենտների հերթականությունը։
11. Գրել ալգորիթմ, որը կկարգավորի թվային զանգվածը ըստ աճման կամ նվազման կարգով։